Alpwirtschaft Schnurrberg

„D Gastgeber“ 

Angela
genussvoll, charmant, bodenständig, Bäckerin, Gastgeberin, Bäuerin, Turne, Reise, d Natur erläbe

Julian
hölzig, natürlich, kreativ, Bauführer, Älpler, Koch, Reise, Verusse sii, Leichtathletik 

Leroy
Einfach unser erstes kleines Wunder(-:

Sit em April 2011 füeret mir, d Angela und dä Julian dä Schnurrberg. D Angi isch glehrti Beck-Konditorin und Bäuerin. Dä Julian isch Zimmermann und Bauführer mit Uusbildig

Dä Schnurrberg
Zu eusem Betrieb ghöret näbet dä Alpwirtschaft no d Alp mit 30 Hektaren und euse Landwirtschaftsbetrieb wo rund 24 Hektaren gross isch.

Uf eusere Alp verbringet ca. 80 Rinder ihre Summer. Rund um d Alpwirtschaft weidet dänn eusi Muetterchüeh mit Natura Beef‘s. All eusi Chüeh sind stolzi Hornträger!

Übrigens verchaufet mir sämtliches Natura Beef Fleisch ab Hof. Au Geisse, Saue, Hase, Ente, Hüehner und natürlich Büsis därfet ufere Alp nöd fähle.

In Madetswil, eusem Ackerbaubetrieb, pflanzet mir Weizen, Gerste, Dinkel, Mais, Raps und Härdöpfel aa.

Eusi Philosophie...!
Eusem Motto getreu „Sälbergmacht isch es besser als us dä Büchs“ machet mir s Brot, d Chüeche, Nussgipfel, s Öpfelmues, alli Suppe, Salatsauce und en huufe anderi Läbesmittel sälber. Wo‘ s möglich isch, versuechet mir Fleisch vom eigne Hof z verwende.

Dä Salat und s Gmües holet mir z‘ Elgg bi dä Familie Wettstein. Er wird dänn frisch zuebereitet und landet so mit viel Gschmack uf em Täller.

Eusi Produkt sind vorwiegend vo dä Schwiiz, s Meischti beziehend mir us dä Region.

Mir chochet ganz bewusst mit Gwürz ohni Konservierigsstoff und achtet uf e nachhaltigi Lebensmittel-Chetti.